第六篇-頭一擺的音樂會--王雪瑜

（通用拼音標注-廖崇仁0927-008285）20180704

    各位評判（pīng pùan）老師、各位同學，逐家好！（鞠躬行禮）我是第（xx）號，今仔日我欲（bheh）朗讀个（ē）篇目是第六篇：「頭一擺的音樂會」，作者：王雪瑜（ōng-suat-rŭ/lŭ）。

今仔日是我頭一擺佇中興堂的大舞台頂表演，這是我一年來的向望（ńg bhāng夢想、期望）。為著欲上台，我穿一軀白色的短衫短褲，面頂有藍色佮紅色的花草，看著誠影目（ziān ian bhak顯眼）。透早就來排練到今（gàu-dan到現在），雖然是佮逐家同齊演出，毋過，看著台跤密喌喌（bhat-ziù-ziūh密密麻麻）的人，我嘛是緊張甲雙跤咇咇掣（pi-pi-cūah顫抖），雙手一直流手液（ciu-siòr手汗），按怎拭都拭袂焦（cit bhue da擦不乾）。老師一直交代阮表演的時陣愛有笑容（ciòr-iŏng），毋過，逐家攏緊張甲笑袂出來。布幕一下搝懸（ghiu/kiu-gŭan拉高），指揮老師的手一下比，我就綴節奏開始輕輕敲（kà）木琴。拄開始節奏慢慢仔，敢若鴨仔咧行路。聽著後壁的大鼓愈挵愈大聲、愈挵愈緊，袂輸火車對遠遠的所在欲衝過來，我手中的木琴槌仔嘛綴咧愈敲愈緊，一時仔敲正爿（ziàn-bĭng右邊）、一時仔敲倒爿（dòr-bĭng左邊）。身軀綴音樂搖來搖去，煞尾（sùa-bhùe最後）鼓聲一下停，指揮老師的手隨攑懸（ghiā gŭan舉高），表演結束。噗仔聲響起，我規个人隨快活（kùin-uah）起來，這時陣我歡喜甲笑出來。想著會當佮表姊仝款上台表演實在誠無簡單。

舊年拄（du剛剛才）歇熱的時陣，表姐足歡喜共我講伊八月佮音樂教室欲佇中興堂表演，問阮規家伙仔欲去聽伊的音樂會無（bhoo嗎）？阿母聽了隨應好。猶會記得音樂會彼工，表姐穿一領柑仔色的Ha-uá-ih（ha-ua-ì夏威夷）草裙，頷頸（am-gùn頸部）掛一捾花箍（zit guan hūe-ko一串花圈），手提一台飛行機，綴指揮老師行入舞台，表演的歌曲是「來去Ha-uá-ih」。台頂的伊面帶（dài）笑容，身軀綴音樂的節奏搖來搖去。沙鈴、鈴鼓佮邦哥鼓（bāng-gōr-gò拉丁美洲Bongos鼓）快速的節奏，敢若熱情的舞步，一直徙位，一直扭尻川花（ngiu kā-cng2-hue扭屁股）。紲落來木琴的聲音加入來，敢若粟鳥仔（cik-ziau-à麻雀）咧啄米（le dok-bhì），遮一下、遐一下。雖然節奏無拄才遐緊，毋過，予人有一種聽著心花開的感覺。就是這種感覺，予我決定欲綴（dùe跟隨）表姐的跤步，來去學木琴，想欲佮伊仝款徛佇（kia di）舞台頂表演予逐家看。

為著今仔日的表演，我連紲兩個月，逐工都練習兩點鐘。落尾這四擺上課攏愛排練，予我心情一直足緊張的。落台了後，老師問阮明年欲閣來開音樂會無？愛風神（hōng-sĭn炫耀、愛現）的我，真有氣魄共老師頕頭（dìm-tău點頭）。

我个朗讀到遮（zia）結束，多謝逐家！