第七篇-快樂的兒童節--吳秀卿

（通用拼音標注—廖崇仁0927-008285）20180625

    各位評判（pīng pùan）老師、各位同學，逐家好！（鞠躬行禮）我是第（xx）號，今仔日我欲（bheh）朗讀个（ē）篇目是第七篇：「快樂的兒童節」，作者：吳秀卿（ghō-siù-king）。

今仔日是學校一年一擺的兒童節慶祝活動。踏入校門就看著司令台布置甲媠噹噹（sui-dāng-dang美極了），五花十色的雞胿仔（gē-gūi-à氣球），敢若一座美麗的城堡。運動埕頂頭一排一排的風吹輪（hōng-cūe-liàn風輪）綴風一直轉、一直踅（seh旋轉），若咧跳舞、若咧唱歌歡迎阮遮的小公主、小王子。

八點鐘仔聲霆（dăn響），校長就敲鑼（kà lŏr）宣佈活動開始。一大陣的學生囡仔親像放出籠（làng）的鳥仔，衝對運動埕去。頭前排是灌風的跙流籠（cu-liū-lŏng溜滑梯）、電動機車站、雪文波（sap-bhūn-por肥皂泡）王國、投籃勇士隊、野球九宮格（giu-giōng-gēh），有夠鬧熱！閣較內底猶有電影院、小丑仔樂園。哇！學校變做一个遊樂園呢！雄雄看著美國隊長、蜘蛛人佇入口迎接阮，原來逐關的關主攏是老師妝的（zng e裝扮的）。

我先去騎電動oo-tóo-bái（ō-dor-bhài電動機車），體驗騎車的威風，才閣去小丑仔樂園。小丑仔阿叔有夠古錐，伊做足濟（ziok-ze很多）好耍的動作共逐家弄甲笑咍咍（ciòr-hāi-hai笑哈哈），閣予阮捏伊的紅鼻仔，捏一下就吱一聲、捏兩下就吱兩聲，害阮笑甲攬腹肚（lam bhak-dò抱著肚子）。紲落來（sua lorho laio接下來），閣去上蓋受歡迎的電動投籃球機台，排隊的人躼躼長（lòr-lòr-dňg很長的樣子）。誠無簡單輪著我，我就功夫盡展，連紲投三粒入去（sān-liap-rip/lip-kio），趁（tàn賺到）三塊糖仔。

用野球掔（kiān丟擲）九宮格閣較愛靠技術，我球提咧相準準大力掔出去（kian-cuto-kio），輕輕鬆鬆就共九个格仔攏掔倒，現場噗仔聲霆袂煞，予我足有成就感的！上尾，走去看電影佮雪文泡（sap-bhūn-por肥皂泡）王國耍，會使講逐項攏耍透透，耍甲足歡喜的，我感覺阮正港是今仔日上奢颺（ciā-iān大派頭、大排場）的主角。

十一點一下到，逐家攏準時集合，因為上刺激的節目就欲起鼓矣！彼就是班級灌風的跙流籠比賽。聽著觱仔聲（bī-a-sian吹哨子聲），規班衝對跙流籠遐去。逐家團隊合作，下面的人共頂面的人鬥捒（dàu sāk幫忙推），一个接一个拚命起去（bè-ki-li爬上去）頂懸。等規班攏到位才同齊跙落來，雖然逐家攏甲大粒汗細粒汗，毋過，笑容是遐爾甜、遐爾仔滿足。這場比賽嘛是今仔日上精彩的『Ending』。

這擺的兒童節活動，袂輸一場刺激的冒險，嘛親像眠夢仝款。感謝所有的老師佮志工，替阮設計遮爾心適（zià ni sīm-sīk這麼有趣）的活動，予阮會當歡歡喜喜過一个快樂的兒童節。

我个朗讀到遮（zia）結束，多謝逐家！