第八篇-青紅燈--黃惠玉

（通用拼音標注—廖崇仁0927-008285）20180704

    各位評判（pīng pùan）老師、各位同學，逐家好！（鞠躬行禮）我是第（xx）號，今仔日我欲（bheh）朗讀个（ē）篇目是第八篇：「青紅燈」，作者：黃惠玉

（ng2-hui-ghiok）。

伊無厚話（gau ūe話多），恬恬仔做，無計較，無怨慼（ùan cēh因為委屈而覺得悲傷、埋怨）。這馬當咧吵甲欲反過的（bheh bìng gueo ē 吵到快反了）「一例一休（it lē it hiu）」佮伊攏無關係。一年三百六十五工規年迵天（tàng tin整年）攏無歇睏，無閬工（làng gang每天不停頓）。一日二四點鐘無暝無日，無閬時。無論是赤焱焱（cià-ian-iān艷陽高照）的日頭跤，抑是澹漉漉（dām-lok-lōk溼答答）的落雨天，伊攏佇遐（di hia在那兒）。這是伊的工課佮責任，因為伊是--青紅燈，逐工顧佇十字路口，指揮交通。

有智慧、疼惜性命的人，駛車、騎車、行路經過十字路口，隨時注意伊面色的變化，照伊的指揮來行；討厭伊的人，看著伊的面變色，真袂佮意。目睭一瞭（zit liòr眼睛快速掃過、瞄一下），看著伊連鞭欲變色：青的爍過（sīh gueo閃過），換爍黃的，隨就欲變紅的，叫伊愛注意矣，毋通閣衝，毋過伊煞毋但（m na不僅）無踏擋仔（da dong-à踩剎車），油門閣催落去，趕緊欲衝過。哎喲喂！這擺好佳哉無代誌，後擺就歹講。伊的衝碰（cong-bōng衝動、魯莽）予人看著真驚惶（giān-hiăn驚慌），心臟噗噗惝（pok-pok-cìng撲通撲通跳）！按呢青磅白磅，烏白傱（ō-beh-zŏng亂跑）、烏白挵。有當時無細膩，緊早慢嘛會出代誌。

佇青紅燈的面頭前，無分車的好䆀（hor bhài好壞），毋管是新點點、金爍爍（gīm-sì-sīh亮晶晶）的烏頭仔車抑是老閣舊的發財仔；無論是大頭家抑是手面趁食（ciu bhin tàn ziah靠勞力賺微薄錢）的艱苦人，嘛無分大細，毋管你是老歲仔抑是囡仔人，逐家攏平重（bīn/bēn dāng平等、同重要）。青燈行，紅燈擋，規則真簡單逐家攏會曉，干焦（gān nā僅、只）看你欲遵守抑是毋遵守爾爾（na/nia-niā而已）。若是愛惜性命，咱就斟酌看（zīm-ziok kuan仔細看）。若是毋看，青紅燈嘛無奈何。

危險的十字路口，青紅燈閘頭前（zah tāu zĭng擋在前頭），替咱顧路面。雖然無出聲嘛會當共咱指示當時好行、當時愛停。有伊的時陣，咱過車路加真安心。伊親像有智慧有愛心的序大，逐工無暝無日佇十字路口共咱顧、共咱指示。

做工課照起工，袂張（bhue-diun/bhe-dion不會鬧脾氣）、袂厭𤺪（ià-siān不會偷懶、厭煩），免領薪水、免排假的青紅燈，感謝你的照顧，予阮佇危險的十字路口會當大伐行（dua huah giăn大步走），穩心仔騎，安心仔駛。

十字路口的青紅燈，予咱駛車行路加真放心。性命中，真向望嘛有咱的青紅燈，佇人生的每一个坎站（kam-zām階段、環結）共咱指示，當時好衝，當時愛踏擋仔，莫予咱衝過頭毋知擋（m zāi dong不知踩剎車）。若無，等到事業、身體、家庭出問題，才知害，按呢就袂赴矣！

我个朗讀到遮（zia）結束，多謝逐家！