107上北港校內演講比賽文章

創作及拼音加註：廖崇仁20180925

    各位評判（pīng pùan）老師、各位同學，逐家好！（鞠躬行禮）我是第（xx）號，今仔日我欲（bheh）演講个（ē）題目是：「困難的時陣」。

    細甲漢仔的時，我若是代誌做無路來，心肝頭著急攏會用哭的叫阿媽。鞋帶縛袂好用哭的，阿媽就會來替我縛（bak）；電視袂曉捘（zūn扭轉）嘛用哭的，阿媽就會來惜我、替我捘；跋倒哀哀叫嘛著阿媽來牽起來。有當時會聽著阿媽念講：「唉喲！阿媽、阿媽！阿媽無淋生仔水（lām sēn-a-zùi淋生仔水是指生鐵、鑄鐵，比喻不能永久不腐壞。），是無才調（bhōr-zāi-diau沒辦法）顧你一世人~！」

    這馬較大漢矣，若拄著困難雖然袂閣再用哭的，毋閣仝款無法度應付。這個時陣阮阿媽若是佇邊仔，伊毋是共我鬥做，伊會用一寡（zit gua一些）台灣俗語共我勉勵。闢論講（pi-lun gong比如說），我的數學按怎學都學袂曉，考試的分數比人較低，我當傷心怨歎家己無路用的時，阿媽就會講這句：「哎呀~『荏荏馬（lam-lam-bhè衰弱的馬）嘛有一步踢』，數學袂曉阿你的國語毋是誠好（ziān hòr真好）？」。英語按怎講都講袂好勢去予人笑，阿媽就會按呢講：「『剃頭照輪辦』，寬寬仔來（kūan-kūan-a lăi慢慢來）毋免急！」歇熱去學泅水，兩個月猶袂曉泅（siŭ游），我怪教練頇顢（hān-bhān形容人遲鈍、拙、沒有才能。）袂曉教，游泳池傷細人閣傷濟。阿媽會苦勸我毋通「恨天怨地，恨鱟桸（hin hau-hia用鱟殼製成的、大型舀水的杓子。）怨飯篱（ùan bng-lē用來舀飯去米汁，有篩孔的杓子。），揣方法勻勻仔來（ūn-ūn-a lăi慢慢地學）、沓沓仔學（dau-dāu-a orh慢慢地學）！」

    我拄著的困難愈濟（zē多），阿媽的台灣俗語嘛愈講愈濟，雖然俗語是過去的台灣人的生活經驗，凡勢真歹去理解。毋過，阿媽講的遮个俗語，因為是咧講我家己生活中拄著的困難，所以一句一句攏真對同（dùi-dăng準確），自然我就會當知影伊真正的意義。自按呢，毋管我的困難是毋是已經解決，上界起碼，我的心肝頭已經予遮个俗語敨甲（tau gah打開、解開。）袂閣再拍結虯矣（pà gat kiŭ收縮蜷曲）！

    我个演講到遮（zia）結束，多謝逐家！（584字3分1秒）